Ուկրաինացի պաշտոնյաներն իրենց օգնությունն են առաջարկել են Թուրքիային

Քաղաքական09:03, 23 Դեկտեմբեր 2015

Ուկրաինացի պաշտոնյաներն իրենց օգնությունն են առաջարկել են Թուրքիային

Ուկրաինացի մի շարք պաշտոնյաներ Թուրքիային առաջարկել են օգնություն տրամադրել ռուսական քարոզչության դեմ պայքարում, որը սկսվել էր այն բանից հետո, երբ Թուրքիայի օդուժը խոցել էր ռուսական Su-24 ռազմական ինքնաթիռը:

Թուրքական «ntv» լրատվամիջոցի իրազեկմամբ` անցած շաբաթ մայրաքաղաք Կիևում գտնվող Թուրքիայի դեսպանատուն էին այցելել Ուկրաինայի Տեղեկատվության նախարարության մի շարք պաշտոնյաներ:

Նշյալ ուկրաինացի պաշտոնյանները, որոնց անունները թուրքական աղբյուրը չի հրապարակում, ընդգծել են, որ Ուկրաինան արդեն վերջին երկու տարիների ընթացքում փորձ է ձեռք բերել ռուսական քարոզչության դեմ պայքարում: Նրանք շեշտել են, որ կարող են թուրքական կողմի հետ փոխանակվել իրենց ունեցած փորձով:

Հիշեցնենք, որ ռուսական ռազմական ինքնաթիռի խուցումից հետո ուկրաինական կողմը հայտարարություն էր տարածել, որտեղ նշվում էր, թե Ուկրաինան էլ Թուրքիայի փոխարեն նույն կերպ կվարվեր, եթե որևէ օբյեկտ խախտեր Ուկրաինայի օդային սահմանը:

Աղբյուր` Ermenihaber.am