Sabah-ը հրապարակել է PKK-ին օժանդակող երկրների ցանկը․ Հայաստանը 13-րդն է

Տարածաշրջան11:55, 06 Հունվար 2016

Sabah-ը հրապարակել է PKK-ին օժանդակող երկրների ցանկը․ Հայաստանը 13-րդն է

Թուրքական իշխանամետ «Sabah» թերթը հրապարակել է այն երկրների ցանկը, որոնք իբրև աջակցում են «Քուրդիստանի բանվորական կուսկացությանը» (ՔԲԿ-PKK)։

Առաջին հորիզոնականում է Ռուսաստանը, որը ըստ իշխանամետ թերթի, ՔԲԿ-ին մատակարարում է ՌՊԳ տիպի նռնականետեր, 60մմ ականանետեր, զինամթերք, հեռակառավարվող ականներ, գիշերային տեսողության սարքեր, Կալաշնիկով տեսակի ինքնաձիգեր։

Ըստ կայքի պնդումների՝ ՔԲԿ-ին մատակարարվող Կալաշնիկով տեսակի ինքնաձիգերի 70 տոկոսը, իսկ հրթիռների 65 տոկոսը ռուսական արտադրության են։

«Անգլիան իր բեռնափոխադրող ինքնաթիռներով ՔԲԿ-ին մատակարարում է ականանետեր, իսկ ՔԲԿ-ից առգրավված ինքնաձիգների մի մասը բրիտանական արտադրության է»,-պնդում է Sabah-ը։

Գերմանիան, ըստ թուրքական թերթի պնդման, հրթիռներ է մատակարարում, ինչպես նաև կրթություն է տալիս ՔԲԿ-ականներին։

ԱՄՆ-ն ՔԲԿ-ին օժանդակում է տարբեր տեսակի զինատեսակներով՝ հատկապես ռումբերով։

ՔԲԿ-ին օժանդակողների շարքում նշվում են նաև Իտալիան, Չինաստանը, Իսպանիան, Իսրայելը, Սիրիան, Իրաքը, Հոլանդիան, Բելգիան, Հունաստանը, Ֆրանսիան, Դանիան, Սերբիան։

Ցանկում 13-րդ տեղում Հայաստանն է։ Թուրքական իշխանամետ թերթը գրում է, թե ՔԲԿ-ականները «ահաբեկչական կրթություն» են ստանում Հայաստանի հետախուզական ստորաբաժանումների կողմից։

Աղբյուր` Ermenihaber.am