Անկարայում ԱՄՆ դեսպանի արձագանքը Ստամբուլում տեղի ունեցած պայթյունին

Տարածաշրջան11:10, 12 Հունվար 2016

Անկարայում ԱՄՆ դեսպանի արձագանքը Ստամբուլում տեղի ունեցած պայթյունին

Թուրքիայում Միացյալ Նահանգների արտակարգ և լիազոր դեսպան Ջոն Բասսը դեսպանատան` «Twitter» սոցիալական ցանցի էջում կատարած գրառմամբ արձագանքել է Ստամբուլի Սուլթահահմեթ հրապարակում տեղի ունեցած պայթյունին:

Ըստ CNNTurk լրատվական ծառայության` դեսպանը մասնավորապես նշել է. «Մենք ուշադրությամբ հետևում ենք Սուլթանահմեթ հրապարակում տեղի ունեցած պայթյունի մասին լուրերին: Մեր սիրտը պայթյունից տուժած մարդկանց հետ է»:

Հաղորդվում է նաև, որ պայթյունից հետո Թուրքիայի վարչապետ Ահմեթ Դավութօղլուն շտապ հանդիպել է ներքին գործերի նախարար Էֆքան Ալիի հետ, ինչից անմիջապես հետո անվտանգության խորհրդի նիստ է հրավիրել:

Հիշեցնենք, որ այսօր առավոտյան դեռևս չպարզված հանգամանքներում Ստամբուլի Սուլթանահմեթ հրապարակում տեղի ունեցած պայթյունի հետևանքով զոհվել է 10, վիրավորվել 15 մարդ: Նախնական վարկածի համաձայն՝ պայթյունն իրականացվել է մահապարտի կողմից:

Աղբյուր` Ermenihaber.am