Դավութօղլուն ողջունել է Իրանի դեմ պատժամիջոցների վերացումը

Քաղաքական09:17, 18 Հունվար 2016

Դավութօղլուն ողջունել է Իրանի դեմ պատժամիջոցների վերացումը

Թուրքիայի վարչապետ Ահմեթ Դավութօղլուն գոհ է Արևմուտքի՝ Իրանի Իսլամական Հանրապետության (ԻԻՀ) դեմ նախկինում կիրառված պատժամիջոցներին վերջ դնելու որոշումից:

Թուրքական «Dogan» լրատվական գործակալությունը հայնտում է, որ Դավութօղլուն, Լոնդոն մեկնելուց առաջ օդանավակայանում լրագրողների հարցերին պատասխանելիս, անդրադարձել է Արևմուտքի՝ Իրանի դեմ պատժամիջոցները դադարեցնելու թեմային: Նա նշել է, որ Թուրքիան գոհունակությամբ է ընդունել ինչպես միջուկային պայմանագրի շուրջ ձեռք բերված պայմանավորվածությունները, այնպես էլ պատժամիջոցների դադարեցումը:

Թուրքիայի վարչապետը հույս է հայտնել, որ պատժամիջոցների չեղարկումը մեծ թափ կհաղորդի թուրք-իրանական տնտեսական հարաբերություններին: Դավութօղլուն նշել է, որ ինչպես ամբողջ աշխարհը, այնպես էլ Թուրքիան և Իրանը, պետք է կարևորեն հեռանկարային համատեղ աշխատանքը, ինչը վերջ կդնի տարածաշրջանում տեղի ունեցող բռնություններին ու ճնշումներին:

Թուրքիայի կառավարության ղեկավարի համոզմամբ Իրանի դեմ պատժամիջոցների վերացումը ճանապարհ է բացում նման հեռանկարի համար:

Աղբյուր` Ermenihaber.am