Թուրքիայի արտգործնախարարությունը քննադատել է Իսրայելին

Քաղաքական07:42, 22 Հունվար 2016

Թուրքիայի արտգործնախարարությունը քննադատել է Իսրայելին

Թուրքիայի արտաքին գործերի նախարարությունը հայտարարություն է տարածել` դատապարտելով պաղեստինցիներին պատկանած 1.545 դյոնում (154 հա) տարածքի կցումը իսրայելական բնակավայրին:

Ըստ թուրքական իշխանամետ «Sabah» թերթի կայքի` Պաղեստինի Էրիհա քաղաքի մոտակայքում գտնվող հողատարածքը, որն անցել էր իսրայելական ուժերի վերահսկողության տակ, բռնակցվել է հարևանությամբ գտնվող իսրայելական մի բնակաբայրի: Աղբյուրը նշում է, որ այդ գործընթացը կատարվել է Իսրայելի վարչապետ Բենյամին Նեթանյահուի և պաշտպանության նախարար Մոշե Յալոնի ցուցումով:

Թուրքիայի արտգործնախարարության տարածած հայտարարության մեջ մասնավորապես ասվում է. «Մենք խստորեն դատապարտում ենք պաղեստինցիներին պատականող և իսրայելական օկուպացիայի տակ գտնվող 1.540 դյոնում տարածքի բռնակցումը: Նման գործողությունները, որոնք խաթարում են երկու երկրների միջև խնդիրների լուծման մթնոլորտը, որևէ կերպ ընդունելի չեն միջազգային իրավունքի տեսանկյունից»:

Աղբյուր` Ermenihaber.am