Թուրք հաքերները կոտրել են Իսրայելում Ռուսաստանի դեսպանության պաշտոնակայքը

Տարածաշրջան13:28, 22 Հունվար 2016

Թուրք հաքերները կոտրել են Իսրայելում Ռուսաստանի դեսպանության պաշտոնակայքը

2015թ. նոյեմբերին թուրքական ռազմաօդային ուժերի կողմից ռուսական ռազմական ինքնաթիռի խոցման պատճառով երկու երկրների միջև ծագած լարվածությունը շարունակվում է: Այն դրսևորվում է նաև փոխադարձ կիբեր հարձակումների տեսքով:

Թուրքական «Mynet.com» լրատվակայքի համաձայն՝ թուրք հաքերների թիրախում այս անգամ հայտնվել է Իսրայելում Ռուսաստանի դեսպանության պաշտոնակայքը: Թուրք և ադրբեջանցի հաքերներից կազմված խումբը կարճ ժամանակով տիրացել է կայքին և գլխավոր էջում տեղադրել թուրքերին, թուրքմենների և ադրբեջանցիներին վերաբերող նյութեր:

Ռուսաստանի դեսպանությունը անմիջապես արգելափակել է կայքը և վերաբացել լիովին վերականգնելուց հետո: Նշվում է, որ այս կիբեր հարձակումը ստանձնել է ադրբեջանական «Börteçine» հաքերային թիմը: Աղբյուրը պնդում է, որ մինչ այժմ թուրք հաքերները շատ ավելի ակտիվ են գործել, քան ռուսները և կիբեր միջավայրում բավական մեծ վնաս են հասցրել ռուսական կողմին:

Աղբյուր` Ermenihaber.am