Ռուսական օդուժին զսպելու համար Թուրքիան «Patriot» կտեղակայի սիրիական սահմանին

Տարածաշրջան07:02, 01 Փետրվար 2016

Ռուսական օդուժին զսպելու համար Թուրքիան «Patriot» կտեղակայի սիրիական սահմանին

Թուր-սիրիական սահմանին ռուսական ինքնաթիռի խոցումից հետո Թուրքիան փորձում է մեծացնել իր սահմանների անվտանգությունը:

Մասնավորապես, թուրքական «Akşam» թերթի կայք տեղեկացնում է, որ քայլեր են ձեռնարկվում՝ երկրում նորից տեղակայելու հակաօդային պաշտպանության (ՀՕՊ) «Patriot» հրթիռային համակարգեր, որոնք ավելի վաղ (2015թ. ամառ) Թուրքիայից դուրս էին բերվել:

Նշվում է,որ Անկարայի առաջարկով թուրք-սիրիական սահմանին կտեղակայվեն ԱՄՆ-ին և Գերմանիային պատկանող «Patriot» ՀՕՊ համակարգեր: Ներկայումս Թուրքիայում են գտնվում միայն իսպանական հրթիռային համակարգերը: Բացի այդ Միջերկրական ծովի արևելքում տեղակայված են ԱՄՆ-ին պատկանող «TAAHD» հրթիռային համակարգերը:

Անկարայի կարծիքով՝ Թուրքիայից «Patriot» համակարգերի՝ դուրսբերումից հետո Ռուսաստանը տարածաշրջանում ավելի համարձակ ու ազատ գործողություններ է դիմում:

Աղբյուրի համաձայն՝ նոյեմբերի 24-ին սահմանի խախտման պատրվակով ռուսական ռազմական ինքնաթիռի խոցումից հետո ՆԱՏՕ-ն կրկին Թուրքիայի տարածքում ՀՕՊ համակարգեր տեղադրելու որոշում է կայացրել:

Աղբյուր` Ermenihaber.am