Քըլըչդարօղլու. «Նա, ով չի հարգում մեր օդային սահմանը, պետք է ստանա անհրաժեշտ պատասխանը»

Քաղաքական08:21, 01 Փետրվար 2016

Քըլըչդարօղլու. «Նա, ով չի հարգում մեր օդային սահմանը, պետք է ստանա անհրաժեշտ պատասխանը»

Թուրքիայի գլխավոր ընդդիմադիր ուժի՝ «Ժողովրդահանրապետական կուսակցության» (ԺՀԿ-CHP) առաջնորդ Քեմալ Քըլըչդարօղլուն անդրադարձել է 2 օր առաջ ռուսական օդուժին պատկանող ինքնաթիռի կողմից Թուրքիայի օդային սահմանը խախտելու թեմային:

Ըստ թուրքական իշխանամետ «Sabah» պարբերականի` ընդդիմադիր կուսակցապետը, որը նախկինում քննադատել էր թուրքական իշխանություններին ռուսական ռազմական ինքնաթիռը խոցելու համար, այս անգամ հանդես է եկել հակառուսական դիրքորոշմամբ:

Պաշտոնական այցով Գերմանիայում գտնվող CHP-ի նախագահ Քըլըչդարօղլուն մասնավորապես ասել է. «Սահմանի խախտումը ճիշտ չենք համարում: Եթե ինչ-որ մեկը չի հարգում մեր օդային սահմանը, ուրեմն նա պետք է ստանա անհրաժեշտ պատասխանը»:

Հիշեցնենք, որ հունվարի 30-ին Թուրքիայի արտգործնախարարությունը հանդես էր եկել գրավոր հայտարարությամբ` նշելով, որ ռուսական օդուժին պատկանող SU-34 ինքնաթիռը խախտել է Թուրքիայի օդային սահմանը:

Աղբյուր` Ermenihaber.am