Մեծ Բրիտանիան իր քաղաքացիներին հորդորում է չմեկնել Դիարբեքիր

Տարածաշրջան11:27, 02 Փետրվար 2016

Մեծ Բրիտանիան իր քաղաքացիներին հորդորում է չմեկնել Դիարբեքիր

Մեծ Բրիտանիայի արտաքին գործերի նախարարությունն իր քաղաքացիներին հորդորում է չմեկնել Թուրքիայի Դիարբեքիր նահանգ: Թուրքական «Posta» թերթի տեղեկացմամբ՝ պատճառը Թուրքիայի հարավ-արևելյան շրջաններում «Քուրդիստանի բանվորական կուսակցության» (ՔԲԿ-PKK) զինյալների հետ ընթացող բախումներն են:

Արտգործնախարարության պաշտոնական կայքում զետեղված հայտարարության մեջ ասվում է, որ Թուրքիայի անվտանգության ուժերը շարունակում են Դիարբեքիրի Սուր շրջանում գործողություններ իրականացնել PKK-ի և նրա հետ կապ ունեցող զինված խմբերի դեմ: Ռազմական գործողություններ իրականացվում են նաև Թուրքիայի Հաքքարի և Շըրնաք նահանգներում: Արտգործնախարարությունն իր քաղաքացիներին հորդորել է Դիարբեքիր չայցելել, իսկ մյուս նահանգներ ճանապարհորդելիս լինել ծայրաստիճան ուշադիր:

Հիշեցնենք, որ սույն թվականի հունվարին Ստամբուլի Սուլթանահմեթ հրապարակում տեղի ունեցած պայթյունից հետո, որին զոհ գնաց 10 զբոսաշրջիկ, Մեծ Բրիտանիայի արտգործնախարարությունն զուգաշացրել էր իր քաղաքացիներին, որ Թուրքիայում ահաբեկչության սպառնալիքը բարձր է:

Աղբյուր` Ermenihaber.am