Քաղաքական09:04, 03 Փետրվար 2016
Մեսութ Բարզանի.«Քրդերն իրենց պետությունը ստեղծելու համար կարիք չունեն թույլտվության»
Հյուսիսային Իրաքի քրդական ինքնավար շրջանի ղեկավար Մեսութ Բարզանին հայտարարել է, որ անկախության համար հանրաքվե անցկացնելը քրդերի ամենաբնական իրավունքն է:
Թուրքական «Doğan» լրատվական գործակալության տեղեկատվությամբ՝ քուրդ առաջնորդը թեմայի վերաբերյալ գրավոր հայտարարություն է տարածել, որում մասնավորապես ասվում է.
«Եթե քրդերը չձեռնարկեն այս գործը, ապա ուրիշները երբեք չեն ճանաչի նրանց ինքնորոշման իրավունքը: Քուրդ ժողովրդի ինքնորոշման համար հիմա ամենաճիշտ ժամանակն է: Քրդերն իրենց անկախ պետությունն ստեղծելու համար ոչ ոքի թույլտվության կարիքը չունեն»:
Բարզանին նաև անդրադարձել է տարածաշրջանում տեղի ունեցող պատմաքաղաքական իրադարձություններին. «Այս հողերում հարկադրաբար կյանքի կոչվող քաղաքական որոշումների պատճառով 100 տարի է՝ այստեղ պատերազմ ու լարվածություն է տիրում», -նշել է նա:
Քուրդ առաջնորդի կարծիքով՝ երկարատև պայքարից ու կորուստներից հետո քրդերը վերջապես պետք է իրենք կերտեն իրենց ապագան: Նա կոչ է արել բոլոր քրդերին՝ աջակցելու այս պատմական որոշմանը՝ ընդգծելով, որ քանի դեռ քրդերի իրավունքներն անտեսվում են, տարածաշրջանում խաղաղություն չի կարող լինել:
Այս ենթաբաժնի վերջին նորությունները
Սերդար Քորուջուն խոսել է հայ-թուրքական հարաբերություններում վերջին զարգացումներից։
Ըստ Դևլեթ Բահչելիի պետք է ձևավորվի «Թուրքիա–Ռուսաստան–Չինաստան դաշինք»։
Թուրքիայի նախագահ Ռեջեփ Թայիփ Էրդողանը զոհվածների հարազատների համար կազմակերպված միջոցառման ժամանակ անդրադարձել է Թուրքիայի տարածաշրջանային դերին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |