ERMENI HABER AJANSI

«Իսլամական պետություն» (ԻՊ) ահաբեկչական կազմակերպության դեմ պայքարող միջազգային կոալիցիայում ԱՄՆ նախագահ Բարաք Օբամայի հատուկ ներկայացուցիչ Բրեթ  Մըքգարքը այցելել է Սիրիայի հյուսիսում գտնվող Քոբանի քաղաք: Օբամայի հատուկ ներկայացուցիչը հանդիպել է Սիրիայում գործող քրդական «Ժողովրդական միասնություն կուսակցության» (PYD) և «Ժողովրդական ինքնապաշտպանական ջոկատների» (YPG` PYD-ի ռազմական թևը) ներկայացուցիչների հետ:

Այս մասին հայտնող թուրքական իշխանամետ «Sabah» թերթը գրում է, որ ամերիկացի պաշտոնյայի այցը հաստատեց թուրքական տեսակետը, թե «Քուրդիստանի բանվորական կուսակցությունը» և PYD-ն նույն կառույցն են: Որպես վերջին դրույթի ապացույց նշվում է, որ Մըքգարքի հետ հանդիպմանը ներկա է եղել Փոլաթ Ջանը, որը ներկայացել է որպես Ռոժավայի բանակի հրամանատար: Ըստ Sabah-ի՝ Փոլաթ Ջանը PKK-ական է, որը կրթություն է ստացել Քանդիլի ռազմական ճամբարներում և անձամբ մասնակցել է Թուրքիայում իրականացվող «ահաբեկչական գործողություններին»:

Հանդիպման ընթացքում Մըքգարքը և Ջանը փոխանակվել են նվերներով, վերջինս YPG-ի նշանով հուշանվեր է տվել ամերիկացի պաշտոնյային:

Փոլաթ Ջանը YPG-ի համազգեստով:

Ջանը PKK-ական համազգեստով