Թուրքիայում կանխվել է ահաբեկչություն

Տարածաշրջան09:10, 03 Փետրվար 2016

Թուրքիայում կանխվել է ահաբեկչություն

Թուրքիայի Այդըն քաղաքում իրավապահների կողմից ձերբակալվել է 2 ահաբեկիչ, որոնք Հունաստանից անցել էին Այդըն և պատրաստվում էին ուղևորվել Անկարա: Ոստիկանությունը պարզել է, որ նրանք պատրաստվում էին ահաբեկչական գործողություն իրականացնել մայրաքաղաք:

Ըստ թուրքական «Kanalahaber.com» լրատվական կայքի` կասկածյալ ահաբեկիչներից մեկը եղել է 1996 թվականին թուրք հայտնի գործարար Օզդեմիր Սաբանջըի սպանությունն իրագործած Իսմայիլ Աքքոլը: Նա 20 տարի շարունակ գտնվում էր հետախուզման մեջ: Մյուս ահաբեկիչը, որը կին է եղել, նախկինում մասնակցել է Թուրքիայի կառավարող «Արդարություն և զարգացում կուսակցության» (ԱԶԿ-AKP) գրասենյակի վրա հարձակմանը:

Նրանց պայուսակների միջից զննությամբ հայտնաբերվել է զենքեր, պայթուցիկ նյութեր և ահաբեկչություն կազմակերպելու համար անհրաժեշտ բազմաթիվ այլ պարագաներ:

Պարզվել է, որ սույն անձինք անդամակցում են Թուրքիայում ահաբեկչական հայտարարված DHKP-C (Ժողովրդի փրկության հեղափոխական կուսակցություն-ճակատ) խմբավորմանը:

Աղբյուր` Ermenihaber.am