Կրկին թուրք-քրդական բախումներ Ջիզրեում

Տարածաշրջան13:52, 05 Փետրվար 2016

Կրկին թուրք-քրդական բախումներ Ջիզրեում

Թուրքիայի հարավարևելյան Շըրնաք նահանգի Ջիզրե շրջանում «Քուրդիստանի բանվորական կուսակցության» (ՔԲԿ-PKK) զինյալները զինված հարձակում են իրականացրել տեղի ոստիկանական բաժանմունքի վրա: Թուրքական «haberler» լրատվական կայքի հաղորդմամբ` հարձակման ընթացքում սպանվել է 4 քուրդ գրոհային, իսկ թուրքական կողմը կուրուստներ չի ունեցել:

Տեղի ունեցած բախումից հետո քուրդ գրոհայինները փախուստի են դիմել: Նրանց հայտնաբերելու համար թուրքական անվտանգության ուժերը համապատասխան գործողություններ են իրականացնում:

Բացի այդ քուրդ գրոհայինները նույն Ջիզրե շրջանում հարձակում են իրականացրել ոստիկանական զրահապատ մեքենայի ուղղությամբ: Թուրքական և քրդական ուժերի միջև տեղի ունեցած փոխհրաձգության հետևանքով 3 թուրք ոստիկան վիրավորվել է:

Նշվում է, որ ոստիկանական զրահամեքենան կայանված է եղել Թուրքիայի իշխող «Արդարություն և զարգացում» (ԱԶԿ-AKP) կուսակցության գրասենյակի դիմաց:

Դեպքից հետո քուրդ գրոհայիններից մի քանիսը փախուստի են դիմել:

Թուրքիայի զինված ուժերի (ԶՈՒ) գլխավոր շտաբը հայտնում է, որ փետրվարի 4-ին Դիարբեքիր և Շըրնաք նահանգների Ջիզրե և Սուր շրջաններում ՔԲԿ-ի դեմ իրականացված օպերացիաների ժամանակ ընդհանուր առմամբ սպանվել է 18 քուրդ զինյալ:

Աղբյուր` Ermenihaber.am