Բուլղարական կուսակցության ներկայացուցիչներին արգելվել է մուտք գործել Թուրքիա

Տարածաշրջան12:31, 12 Փետրվար 2016

Բուլղարական կուսակցության ներկայացուցիչներին արգելվել է մուտք գործել Թուրքիա

Բուլղարիայում գործող և թուրքական փոքրամասնությունների շահերը ներկայացնող «Իրավունքների և ազատությունների կուսակցության» (HÖH) հիմնադիր և նախկին նախագահ Ահմեթ Դողանին ու նույն կուսակցության անդամ, մեդիամագնատ ու պատգամավոր Դելյան Պեևսկիին արգելվել է մուտք գործել Թուրքիա:

Ըստ թուրքական «Haber.sol» լրատվական կայքի` արգելքի պատճառն այն է, որ վերոնշյալ անձինք Սիրիայում թուրքական օդային ուժերի կողմից ռուսական «Су24» ինքնաթիռի խոցման հարցում պաշտպանել են ռուսական դիրքորոշումը:

Ըստ աղբյուրի` Դողանը հայտարարել է, որ այս հարցում Թուրքիային սատարելը քաղաքական սխալ է և ավելացրել, որ Բուՙլղարիան Թուրքիայի հետ չպետք է լավ հարաբերություններ ունենա:

«Շուտով Թուրքիան արևելքում կարող է հողեր կորցնել: Ես անձամբ կաշխատեմ, որ Բուլղարիայում Թուրքիայի ազդեցությունը նվազի»,- ասել է բուլղարական կուսակցության նախագահը:

Աղբյուր` Ermenihaber.am