Թուրքիայի պաշտպանության նախարարը հաստատել է Սիրիայի ուղղությամբ ռազմական գործողությունների սկսվելը

Տարածաշրջան07:50, 15 Փետրվար 2016

Թուրքիայի պաշտպանության նախարարը հաստատել է Սիրիայի ուղղությամբ ռազմական գործողությունների սկսվելը

Թուրքիան ռազմական գործողություններ է իրականացնում Սիրիայի հյուսիսում տեղակայված քրդական «Ժողովրդական ինքնապաշտպանական ուժերի» (ԺԻՈւ-YPG) դեմ: Թուրքական «Haberler.com» լրատվակայքի տեղեկացմամբ՝ Թուրքիայի զինված ուժերը հաուբիցներ հրանոթներով ռմբակոծել են մասնավորապես YPG-ի Minnag հակաօդային ռազմաբազան: Նշվում է, որ քրդական կողմը պատասխան կրակ է բացել:

Թուրքիայի պաշտպանության նախարար Իսմեթ Յըլմազը հաստատել է, որ Թուրքիան Սիրիայի ուղղությամբ ռազմական գործողութուններ է սկսել: 2016թ. բյուջեի քննարկման ժամանակ, մեջլիսում թեմայի վերաբերյալ հնչեցված մի հարցի պատասխանելիս, Յըլմազը մասնավորապես ասել է. «Երեկ և այսօր Քիլիսի մոտակայքից Սիրիայի ուղղությամբ 4 տարբեր թիրախների վրա կրակ է բացվել, թուրքական կողմը զոհեր չունի»:

Թուրքիայի ազգային պաշտպանության նախարարը նշել է, որ PYD-ն (Ժողովրդավարկան միություն կուսակցություն) ավելի վաղ ականանետով հարվածել էր Քիլիս քաղաքի Դեմիրըշըք սահմանային անցակետի տարածքը: Թուրքական կողմը պատասխան կրակ է բացել Մարանասում, Սիջարնազ և Մինակ օդանավակայանում, Թել Ռիֆաքում և Շաֆարիքաթ շրջանում հայտնաբերված ուժերի նկատմամբ:

«Տեղեկություն էր ստացվել, որ Ազազ շրջանում հարձակման նախապատրաստություն է ընթանում: Վարչապետը որոշում է ընդունել շարունակել հրետանային ռմբակոծությունն այնքան ժամանակ, մինչև PKK-ն («Քուրդիստանի բանվորական կուսակցություն») և PYD -ն դուրս գան Minak հակաօդային ռազմաբազայից և լքեն Ազազի տարածքը»,- տեղեկացրել է Յըլմազը:

Աղբյուր` Ermenihaber.am