Թուրքիան Սիրիային հարվածել է տեղական արտադրության հաուբիցներով

Տարածաշրջան07:55, 15 Փետրվար 2016

Թուրքիան Սիրիային հարվածել է տեղական արտադրության հաուբիցներով

Նախօրեին Թուրքիայի ԶՈՒ-ն «Fırtına» (փոթորիկ) տեսակի հաուբից հրանոթներով հարվածել է Սիրիայի հյուսիսում գտնվող քրդական «Ժողովրդավարական միություն» կուսակցության (PYD) ռազմական թևի «Ժողովրդական ինքապաշտպանության ջոկատի» (YPG) հենակետերին:

Հայտնի է դարձել, թե որտեղ են նախագծվել ու պատրաստվել վերոնշյալ հաուբիցները:

Ըստ թուրքական «Sondakika» լրատվական կայքի` հաուբիցները տեղական արտադրության են, պատրաստվել են Թուրքիայում` Սաքարիայի Արիֆիյե շրջանում: Կայքի բնութագրմամբ` այս «գաղտնի» զենքը կարելի է Թուրքիայի ԶՈՒ-ի և թուրք ինժեներների «հպարտությունը» համարել:

«T-155 Fırtına» անվանմամբ հաուբից հրանոթները կարող են խոցել 40 կմ հեռավորության վրա գտնվող նշանակետը: Զենքն ունի 20 տ պողպատե զրահ, որն ունի 12 մ երկարություն, 3.5 մ լայնություն և 3.43 մ բարձրություն: Զենքը կառավարվում է 5 հոգանոց անձնակազմի կողմից: Հաուբիցը 1 րոպեում կարող է հասցնել 6-8 հարված:

Աղբյուր` Ermenihaber.am