Թուրքիան իր մտահոգությունն է հայտնել Ֆրանսիայի ԱԳՆ-ի հայտարարության կապակցությամբ

Քաղաքական10:36, 16 Փետրվար 2016

Թուրքիան իր մտահոգությունն է հայտնել Ֆրանսիայի ԱԳՆ-ի հայտարարության կապակցությամբ

Թուրքիայի և Ֆրանսիայի արտաքին գործերի նախարարները հեռախոսազրույց են ունեցել Սիրիայի հարցով: Այդ մասին տեղեկացնող թուրքական «haberler» լրատվակայքը նշում է, որ Թուրքիայի արտգործնախարար Մևլութ Չավուշօղլուն ֆրանսիացի իր պաշտոնակցի հետ ունեցած հեռախոսարույցի ժամանակ մտահոգությունն է հայտնել Ֆրանսիայի արտգործնախարարության հայտարարության կապակցությամբ: Հիշեցնենք, որ Ֆրանսիայի ԱԳՆ-ն կոչ էր Թուրքիային դադարեցնել Սիրիայի քրդական ուժերի դիրքերի հրետակոծությունները:

Նշվում է, որ երկու արտգործնախարարների հեռախոսազրույցը տեղի է ունեցել թուրքական կողմի նախաձեռնությամբ: Չավուշօղլուն ասել է, որ թուրքական զինուժի գործողություններն բացառապես ուղղված են Սիրիայում գործող ահաբեկչական խմբավորումների դեմ: Նա հիշեցրել է, որ Թուրքիան իր դիրքորոշումը Սիրիայի հարցում հայտնել է փետրվարի 11-ին Գերմանիայի Մյունխեն քաղաքում տեղի ունեցած «Սիրիայի միջազգային աջակցության խմբի» ժողովի ժամանակ:

Ֆրանսիայի արտգործնախարարն էլ ընդգծել է, որ Սիրիայի հարցում Անկարան և Փարիզն ընդհանուր առմամբ միակարծիք են և պատրաստակամություն կա զարգացնել երկկողմ համագործակցությունը:

Աղբյուր` Ermenihaber.am