Ռուսաստանից Թուրքիա ներմուծվող բնական գազի ծավալները նվազել են

Տնտեսական13:10, 17 Փետրվար 2016

Ռուսաստանից Թուրքիա ներմուծվող բնական գազի ծավալները նվազել են

2015թ. նկատվել են Ռուսաստանից Թուրքիա ներմուծվող բնական գազի ծավալների նվազում: Թուրքական «Milliyet» թերթի տեղեկացմամբ՝ 2014թ. համեմատ գազի ներմուծումն անկում է ապրել 320 մլն խմ-ով՝ հասնելով 27.01 մլրդ խմ-ի:

«Գազպրոմ» ընկերության տվյալների համաձայն՝ 2014թ. այդ ցուցանիշը կազմել էր 27.33 մլրդ խմ: 2015թ. Ռուսաստանից բնական գազի արտահանումը դեպի ԱՊՀ-ի անդամ չհանդիսացող երկրներ աճել է 8.2 տոկոսով՝ կազմելով 158.6 մլրդ խմ: Ընդ որում, ռուսական գազի ամենամեծ ներմուծողը Գերմանիան է, իսկ Թուրքիան այս առումով երկրորդ տեղում է:

Ռուսաստանից դեպի Եվրոպա գազի արտահանման ծավալների աճը պայմանավորված է այն հանգամանքով, որ Եվրամիությունը նվազեցրել է գազի սեփական արտադրությունը, բացի այդ, աշխարհում լայն տարածում է գտել բնական գազից էլեկտրաէներգիա ստանալու միտումը:

Նշվում է նաև, որ Թուրքիան հնարավորություն ունի տարեկան մինչև 30 մլրդ խմ գազ ներմուծել Ռուսաստանից Ուկրաինայի տարածքով և Սովի ծովով անցնող երկու գազատար ուղիներով:

Աղբյուր` Ermenihaber.am