Անկարայում պայթյունն իրականացնելու համար ահաբեկիչներն օգտագործել են առևանգված մեքենա

Տարածաշրջան07:49, 18 Փետրվար 2016

Անկարայում պայթյունն իրականացնելու համար ահաբեկիչներն օգտագործել են առևանգված մեքենա

Հայտնի են դարձել մանրամասներ նախօրեին Անկարայում տեղի ունեցած պայթյունի ընթացքում ահաբեկիչների կողմից օգտագործված մեքենայի մասին:

Ըստ թուրքական «Sondakika լրատվական կայքի` Անկարայի կենտրոնում պայթեցված «Volkswagen Scirocco» մակնիշի մեքենան 10 օր առաջ առևանգվել է Իզմիրից, այնուհետև բերվել է Անկարա: Պայթուցիկ նյութերով բեռնված մեքենային ահաբեկչության կազմակերպիչները կեղծ պետհամարանիշներ են փակցրել:

Հիշեցնենք, որ Թուրքիայի մայրաքաղաք Անկարայի կենտոնական փողոցներից մեկում փետրվարի 17-ին երեկոյան պայթյուն է որոտացել: Պայթյունը տեղի է ունեցել զինվորականներին տեղափոխող ավտոբուսների անցնելու ժամանակ: Այն պահին, երբ ավտոբուսները կանգ են առել կարմիր լույսի տակ, վերոնշյալ մեքենա կանգառել է զինվորականներին տեղափոխող մեքենաների միջև և պայթել: Պայթյունի թիրախում հայտնված 2 ավտոբուսներում գտնվող զինվորականների մեծ մասը եղել են սերժանտներ: Զոհվել է 28, վիրավորվել 61 հոգի:

Աղբյուր` Ermenihaber.am