Հայտնի է դարձել Անկարայի պայթյունն իրականացրած ահաբեկչի ինքնությունը

Տարածաշրջան07:55, 18 Փետրվար 2016

Հայտնի է դարձել Անկարայի պայթյունն իրականացրած ահաբեկչի ինքնությունը

Թուրքիայի ոստիկանությունը պարզել է երեկ Անկարայում պայթյուն իրականացրած մահապարտ ահաբեկչի ինքնությունը:

Ըստ թուրքական «Türkiye» թերթի կայքի` Սալիհ Նեջար անունով ահաբեկիչը Սիրիայի քաղաքացի է: Աղբյուրը նշում է, որ ոստիկանները դեպքի վայրից հավաքել են Նեջարի մարմնի մասերը և մատերի վրայից կարողացել են մատնահետք վերցնել, ինչն էլ համապատասխանել է փախստականների հետ Սիրիայից Թուրքիա անցած Սալիհ Նեջարի մատնահետքերին: Իսկ վերջինիս մատնահետքերը վերցվել էր Թուրքիա մուտք գործելու ժամանակ:

Թուրքիայի ոստիկանության հետախուզության վարչության նախկին պետ Սաբրի Ուզունն էլ «CNNTurk»-ին տված հարցազրույցում մեծ է համարել հավանականությունը, որ ահաբեկչությունը կարող է կազմակերպած լինել «Իսլամական պետություն» (ԻՊ) ահաբեկչական խմբավորումը:

Ուզունը մասնավորապես նշել է. «Ռումբի տեսակը պայթյունի հետքերը տանում են դեպի «Իսլամական պետություն» ահաբեկչական կազմակերպություն»:

Աղբյուր` Ermenihaber.am