Ռայո Վալյեկանոն պաշտոնապես ներկայացրել է Արազ Օզբիլիսին

Մարզական08:31, 20 Փետրվար 2016

Ռայո Վալյեկանոն պաշտոնապես ներկայացրել է Արազ Օզբիլիսին

Իսպանիայի պրեմիեր լիգայում հանդես եկող «Ռայո Վալյեկանոն» պաշտոնապես ներակայացրել է թիմի նորեկ` Հայաստանի ազգային հավաքականի ֆուտբոլիստ Արազ Օզբիլիսին:

Թուրքական «milliyet» պարբերականի փոխանցմամբ` հայ ֆուտբոլիստը, որը հունվարի 26-ին վարձավճարով թուրքական «Բեշիքթաշ» ակումբից տեղափոխվել էր իսպանական ակումբ, արդեն մի քանի շաբաթ է, ինչ սկսել է մարզումները:

«Ռայո Վալյեկանոյի» կողմից արված հայտարարության մեջ նշվում է, որ Օզբիլիսին ներկայացնելու պաշտոնական արարողությունը հետաձգվում էր ֆուտբոլիստի՝ մրսածության հետևանքով ունեցած վատառողջության պատճառով:

Թուրքական աղբյուրն ուշադրություն է հրավիրում այն հանգամանքի վրա, որ Հայաստանի, Հոլանդիայի և Թուրքիայի քաղաքացիություն ունեցող Օզբիլիսը կլինի առաջին հայ ֆուտբոլիստը, որը հանդես կգա Իսպանիայի առաջնությունում:

Հիշեցնենք, որ Օզբիլիսը նախքան «Բեշիքթաշ» ակումբ տեղափոխվելը հանդես էր գալիս Մոսկվայի «Սպարտակ»-ի կազմում:

Աղբյուր` Ermenihaber.am