Թուրքիայի արտահանման ծավալները ռուսական և իրաքյան շուկաներում խիստ նվազել են

Տնտեսական09:59, 22 Փետրվար 2016

Թուրքիայի արտահանման ծավալները ռուսական և իրաքյան շուկաներում խիստ նվազել են

Թուրքիայի գյուղատնտեսական պալատի միության (TZOB) նախագահ Շեմշի Բայրաքթարը հայտարարել է, որ Թուրքիան բանջարեղենի և մրգի արտահանման հարցում նոր շուկաներ է փնտրում: Թուրքական «haberler» լրատվական կայքի փոխանցմաբ` Բայրաքթարն որպես պատճառ նշել է Թուրքիայից Իրաք և Բուլղարիա իրականացվող մրգի և բանջարեղենի արտահանման հարցում դժվարութունների առաջացումը: Հիմա արտահանման պոտենցիալ շուկա դիտվում է Իսրայելը:

«Ամենամեծ արտահանման շուկան՝ Ռուսաստանը, որի հետ իրականացվող արտահանման ծավալները հասնում էին 82.9մլն դոլարի, հիմա նվազել և հասել է 10.9 միլիոնի»,- նկատել է տվել Բայրաքթարը և շեշտել է, որ արտահանման ծավալների առումով Ռուսաստանից հետո, Թուրքիայից հետո Իրաքն էր: Եթե վերջինիս հետ նախկինում արտահանման ծավալները հասնում էին 44.8մլն դոլարի, ապա այժմ այդ թիվը կազմում է 26.3մլն դոլար: Իսկ Բուղարիայի հետ իրականացվող արտահանման ծավալները 6.7 միլիոնից դարձել են 4.1 միլիլոն:

Նշվում է, որ 2016 հունվարին Թուրքիայից Ռուսաստան իրականացնող արտահանումը 2015 նույն ամսվա համեմատ անկում է ապրել 86.8 տոկոսով:

Չնայած վերոնշյալ երկրների հետ մրգի և բանջարեղենի արտահանման հարցում անկում է գրանցվել, այդուհանդերձ, այնպիսի երկրների հետ, ինչպիսիք են Իսրայելը, Սաուդյան Արաբիան, Լեհաստանը և Ուկրաինան, աճ է գրանցվել: Մասնավորապես եթե նախկինում Թուրքիայից Ուկրաինա արտահանման ծավալները կազմում էին 14.3 մլն դոլար, ապա այժմ այդ թիվը հասնում է 18.1 դոլարի: Թուրքական ապրանքատեսակների արտահանման ծավալները աճել են նաև Սաուդյան Արաբիայում և Լեհաստանում՝ հասնելով համապատասխանաբար 8.4 և 3.8 միլիոնի: Իսկ Իսրայել արտահանվող մրգերի և բանջարեղենի շրջանառությունը 66 հազար դոլարից հասել է 2.7 միլիեն դոլարի:

Աղբյուր` Ermenihaber.am