Թուրքիան զենքի ներմուծման բնագավառում աշխարհում 6-րդն է

Տնտեսական13:52, 23 Փետրվար 2016

Թուրքիան զենքի ներմուծման բնագավառում աշխարհում 6-րդն է

Խաղաղության հիմնահարցերի Ստոկհոլմի միջազգային ինստիտուտը (SIPRI) ողջ աշխարհում զենքի վաճառքի ծավալների վերաբերյալ զեկույց է հրապարակել: BBC-ի թուրքական ծառայության տեղեկացմամբ` զեկույցի համաձայն Թուրքիան զենքի ներկրման ծավալներով աշխարում 6-րդ տեղն է զբաղեցնում:

Ընդանուռ առմամբ` միջազգային շուկայում զենքի առևտուրը 2011-2015թթ. ընթացքում նախորդող՝ 2006-2010թթ. փուլի համեմատ նվազել է 14 տոկոսով:

Մասնավորապես, նշված ժամանակահատվածում նվազել է զենքի հոսքը դեպի Եվրոպա, իսկ Աֆրիկայում, Ասիայում, Օվկիանոսիայում և Միջին Արևելքում զենքի ներկրման ծավալները աճել են:

Մյուս կողմից, Միջին Արևելքի՝ Թուրքիան և Իրանը ընդգրկող տարածաշրջանում վերջին հինգ տարիների ընթացքում զենքի վաճառքի ծավալը աճել է 61 տոկոսով:

Ողջ աշխարհում վաճառվող զենքի 74 տոկոսը արտահանվում է ԱՄՆ-ից, Ռուսաստանից, Չինաստանից, Ֆրանսիայից և Գերմանիայից:

ԱՄՆ-ը ամենաշատ զենք է վաճառում Սաուդյան Արաբիային, Միացյալ Արաբական Էմիրություններին և Թուրքիային:

Ըստ SIPRI-ի հաշվետվության՝ Թուրքիան զենքի արտահանման տեսակետից աշխարհում 16-րդ տեղն է զբաղեցնում:

Աղբյուր` Ermenihaber.am