Սիրիան Դամասկոսում և Հոմսում տեղի ունեցած պայթյունների համար մեղադրել է Թուրքիային

Տարածաշրջան08:02, 23 Փետրվար 2016

Սիրիան Դամասկոսում և Հոմսում տեղի ունեցած պայթյունների համար մեղադրել է Թուրքիային

Սիրիայի իշխանությունները կիրակի օրը մայրաքաղաք Դամասկոսում և Հոմս քաղաքում տեղի ունեցած ահաբեկչությունների համար մեղադրել են Թուրքիային և Սաուդյան Արաբիային:

Ըստ թուրքական «Sondakika.com» լրատվական կայքի` Սիրիայի արտգործնախարարությունն այս թեմայով մեկական նամակ է ուղարկել ՄԱԿ-ի Գլխավոր ասամբլեային և գլխավոր քարտուղար Բան Կի-Մունին, որոնցում մասնավորապես նշվում է. «Այդ գործողություններն իրականացրել են Սիրիայի տարածքում գտնվող Թուրքիայի և Սաուդյան Արաբիայի ենթակակները»:

Նշվում է, որ Թուրքիայի և Սաուդյան Արաբիայի ղեկավարություները, պայթյուններ իրականացնելով, ցանկացել են խափանել Սիրիայի խնդիրը դիվանագիտական ճանապարհով լուծելուն միտված ջանքերը:

Նամակում Սիրիայի արտաքին գերատեսչությունը ՄԱԿ-ի Գլխավոր ասամբլեային կոչ է արել պատժիչ միջոցներ ձեռնարկել Թուրքիայի և Սաուդյան Արաբիայի նկատմամբ:

Նշենք, որ Դամասկոս և Հոմս քաղաքներում ավելի քան 140 մարդու կյանք խլած ահաբեկչական պայթյունների պատասխանատվությունը ստանձնել էր «Իսլամական պետություն» (ԻՊ) ահաբեկչական կազմակերպությունը:

Աղբյուր` Ermenihaber.am