Իրաքի և Սիրիայի ահաբեկիչները ռումբերի բաղադրիչներ են ներմուծում Թուրքիայի տարածքով

Տնտեսական13:26, 25 Փետրվար 2016

Իրաքի և Սիրիայի ահաբեկիչները ռումբերի բաղադրիչներ են ներմուծում Թուրքիայի տարածքով

Անգլիական Conflict Armament Research (CAR) ընկերության հրապարակած հաշվետվության համաձայն՝ «Իսլամական պետության» (ԻՊ-İŞİD) և այլ ջիհադական խմբավորումների՝ ռումբերի արտադրության համար անհրաժեշտ նյութերի առևտրում Թուրքիան փոխանցող օղակ է հանդիսանում:

BBC-ի թուրքական ծառայության տեղեկատվությամբ՝ քիմիական և էլեկտրոնային մի շարք նյութեր ահաբեկչական խմբավորումների վերահսկողության տակ գտնվող սիրիական և իրաքյան շրջաններ են ներմուծվում Թուրքիայի տարածքով:

CAR -ի հաշվետվությունը կազմվել է Սիրիայում և Իրաքում օգտագործվող ինքնաշեն ռումբերի՝ 20 ամիս տևած ուսումնասիրությունների հիման վրա: Նշվում է, որ ԻՊ-ը պարբերաբար նոր տեսակի ինքնաշեն ռումբեր է ստեղծում և այդ ռումբերի հզորությունը հետզհետե ավելի է մեծանում:

Ընկերության նախագահ Ջեյմս Բևանը հետևյալ մեկնաբանությունն է արել. «CAR-ի մասնագետներն արձանագրել են, թե ինչպես են Թուրքիայից Սիրիա անցնում բեռնատարներ, մարդիկ, սնունդ և նավթ: Թուրքիայի և ԻՊ-ի վերահսկողության տակ գտնվող շրջանների միջև սահմանը գործնականում բաց է»:

Աղբյուր` Ermenihaber.am