Ռուսաստանի հետ Թուրքիայի առևտրաշրջանառության ծավալները լրջորեն նվազել են

Տնտեսական10:02, 01 Մարտ 2016

Ռուսաստանի հետ Թուրքիայի առևտրաշրջանառության ծավալները լրջորեն նվազել են

Թուրքիայի արտահանման և ներմուծման ծավալները նվազել են: Թուրքական «milliyet» թրեթի կայքի փոխանցմամբ` 2016թ հունվարին Թուրքիայի արտահանման ծավալները 2015թ. նույն ամսվա համեմատ նվազել են շուրջ 22 տոկոսով և կազմել են 9.5մլրդ դոլար: Ներմուծման դեպքում ևս նկատվել են զգալի նվազումներ: 2015թ հունվարի համեմատ 2016թ. նույն ամսվա ընթացքում ներմուծման ծավալները նվազել են 19.7 տոկոսով և կազմել են 13.3 մլրդ դոլար:

Աղբյուրը տեղեկացնում է, որ 2016թ. հունվարին կորուստներ են նկատվում նաև Թուրքիայի արտաքին առևտրում: 2015թ նշյալ ամսվա համեմատ 2016թ. դրանց ծավալները 13.4 տոկոսով և կազմել են շորջ 4.3 դոլար (2015թ այդ ցուցանիշը կամզում էր 4.3մլրդ դոլար):

2016թ. հունվարի ընթացքում արտահանման և ներմուծման ծավալների տոկոսային հարաբերակցությունը նվազել է նախորդ տարվա համեմատ և կազմել է 71.8 տոկոս: Ի դեպ 2015թ. նույն ամսվա ընթացքում այդ ցուցանիշը կազմում էր 73.8 տոկոս:

Նշվում է նաև, որ 2016թ. հունվարին Թուրքիայից Ռուսաստանի Դաշնություն (ՌԴ) արտահանման ծավալները նվազել են 66 տոկոսով: Թուրքիայից Ռուսաստան իրականացվող արտահանման ծավալները նշյալ ամսվա ընթացքում 316.5 միլիոնից նվազել են 107.7 միլիոնի:

Ռուսաստանից Թուրքիա ներմուծման ծավալների դեպքում նույնպես նվազման միտումներ են նկատվում: Եթե 2012թ.-ի հունվարին դրանց թիվը կազմում էր 427.7մլն դոլար, 2013թ-ին` 539.5մլն դոլար, 2014թ.` 416մլն դոլար, ապա 2015թ այդ թիվը կազմել է 316մլն դոլար:

Աղբյուր` Ermenihaber.am