Քըլըչդարօղլուն՝ Դավութօղլուին. «Դուք Թուրքիան դարձնում ենք բուֆերային գոտի»

Քաղաքական08:34, 11 Մարտ 2016

Քըլըչդարօղլուն՝ Դավութօղլուին. «Դուք Թուրքիան դարձնում ենք բուֆերային գոտի»

Թուրքիայի գլխավոր ընդդիմադիր «Ժողովրդահանրապետական» կուսակցության նախագահ Քեմալ Քըլըչդարօղլուն քննադատել է իշխանություններին Եվրամիության հետ փախստականների հարցով համաձայնության գալու համար:

«Եկեք, մենք տանք 6 մլրդ եվրո, թող իրենք ընդունեն բոլոր սիրիացիներին, աֆղաններին և պակիստանցիներին»,- Քըլըչդարօղլուի խոսքերը մեջբերել է թուրքական «Haberler» լրատվական կայքը:

Ըստ ընդդիմադիր կուսակցության առաջնորդի՝ եվրոպացիներն այս որոշմամբ Թուրքիային դիտարկում են որպես բուֆերային պետություն Եվրոպայի և Մերձավոր Արևելքի միջև:

Քըլըչդարօղլուի կարծիքով Թուրքիան 3 միլիարդի դիմաց (ըստ Թուրքիա-ԵՄ համաձայնագրի՝ Թուրքիան կստանա 3 միլիարդ եվրո Թուրքիա անցած փախստականների համար-խմբ.) ընդունում է Եվրոպայի այս մոտեցումը: «Հակառակ դեպքում Եվրոպան ասում է, թե Թուրքիայից գնացած բոլոր ներգաղթյալներին հետ կուղարկի: Իսկ սա հակառակ է ԵՄ-ի հիմնարար իրավունքների հռչակագրին»,- նշել է ընդդիմադիր գործիչը:

Քըլըչդարօղլուն, անդրադառնալով վարչապետ Ահմեթ Դավութօղլուի դիտարկմանը, թե գործարքը շահավետ է, նշել է, որ իշխանությունները կարող են մտածել իբրև խաբել են եվրոպացիներին և լավ առավելություներ ստացել, բայց իրականում Թուրքիան բուֆերային գոտի են դարձրել:

Աղբյուր` Ermenihaber.am