Սև և Մարմարա ծովերում Թուրքիայի ռազմածովային ուժերը զորավարժություն կանցկացնեն

Տարածաշրջան13:49, 24 Մարտ 2016

Սև և Մարմարա ծովերում Թուրքիայի ռազմածովային ուժերը զորավարժություն կանցկացնեն

Մարտի 28-ից ապրիլի 5-ը ընկած ժամանակահատվածում Սև և Մարմարա ծովերում Թուրքիայի ռազմածովային ուժերի մասնակցությամբ անցկացվելու են զորավարժություններ:

Թուրքական «haberler» լրատվակայքը այս մասին հայտնում է՝ հղում անելով Թուրքիայի զինված ուժերի (ԶՈՒ) Գլխավոր շտաբի հայտարարությանը:

«Deniz Yıldızı-2016» խորագրով զորավարժությունները իրականացվում է ամեն տարի: Նշվում է, որ զորավարժությունների նպատակը մասնակից ուժերի մարտական պատրաստվածության բարձրացումն է, ինչպես նաև Սև ծովում անվտանգության պահպանման հարցում ներդրում ունենալը: Զորավարժությունների ընթացքում թուրքական ռազմական նավերը կնավարկեն դեպի Ուկրաինայի` Օդեսա, Վրաստանի`Բաթում, Բուլղարիայի`Վառնա և Ռումինայի Քյոստենջե նավահանգիստներ: Գործի կդրվեն նաև ռազմաօդային և ծովափնյա անվտանգության ծառայության ուժերը:

Հաղորդվում է, որ մասնակից ուժերը կօգտագործեն նորագույն տեխնոլոգիաներ, անօդաչու թռչող սարքեր և այլն: