Իսրայելը և Թուրքիան կփորձեն կարգավորել փոխհարաբերությունները

Տարածաշրջան07:08, 24 Մարտ 2016

Իսրայելը և Թուրքիան կփորձեն կարգավորել փոխհարաբերությունները

Իսրայելի վարչապետ Բենիամին Նաթանյահուն հայտնել է, որ Թուրքիայի և իր երկրի միջև ևս մեկ հանդիպում է կայանալու: Թուրքական «ahaber.com.tr» լրատվակայքի տեղեկացմամբ՝ Իսրայելի վարչապետը հույս է հայտնել, որ առաջիկա հանդիպումը կնպաստի երկու երկրների միջև հարաբերությունների կարգավորմանը:

Իսրայելի վարչապետի մամուլի ծառայությունից թեմայի վերաբերյալ արված գրավոր հայտարարության համաձայն՝ Նաթանյահուն մասնավորապես ասել է.

«Մենք միշտ ցանկացել ենք կարգավորել Թուրքիայի հետ հարաբերությունները և այդ հարաբերությունների ընթացքի փոփոխությունը մեր նախաձեռնությունը չէր: Ցանկանում ենք կարգավորել հարաբերությունները (Թուրքիայի հետ-խմբ.), եթե դա հնարավոր լինի:

Շարունակում ենք բանակցությունները և այդ բանակցություններում առաջընթաց է նկատվում: Շուտով ևս մեկ հանդիպում տեղի կունենա, և ես հուսով եմ՝ այդ հանդիպումը հարաբերությունների վերջնական կարգավորման համար դրական արդյունք կտա»:

Աղբյուր` Ermenihaber.am