ԱՄՆ փոխնախագահ Ջո Բայդենն Էրդողանի հետ կհանդիպի հյուրանոցում

Քաղաքական07:42, 29 Մարտ 2016

ԱՄՆ փոխնախագահ Ջո Բայդենն Էրդողանի հետ կհանդիպի հյուրանոցում

Թուրքիայի նախագահ Ռեջեփ Թայիփ Էրդողանը մեկնել է ԱՄՆ, որտեղ կմասնակցի միջուկային անվտանգության 4-րդ գագաթնաժողովին:

Թուրքական «Memurlar» լրատվական կայքը գրում է, որ ԱՄՆ փոխնախագահ Ջո Բայդենն Էրդողանի հետ կահնդիպի հյուրանոցում: Հանդիպման առանցքում կլինեն ահաբեկչության դեմ պայքարը, Սիրիայի հարցը, ինչպես նաև սպասվում է, որ Էրդողանը կներկայացնի Սիրիայում գործող քրդական «Ժողովրդավարական միություն կուսակցության» (ԺՄԿ-PYD) վերաբերյալ իր դիրքորոշումը:

Թուրքիայի նախագահը գագաթնաժողովի շրջանակներում առանձազրույց կունենա Ճապոնիայի վարչապետ Շինզո Աբեի, Լեհաստանի նախագահ Անդրեյ Դուդայի և Պակիստանի վարչապետ Նավազ Շերիֆի հետ:

Գագաթնաժողովի շրջանակներում Էրդողանը կայցելի նաև Սպիտակ տուն՝ մասնակցելու ԱՄՆ նախագահ Բարաք Օբամայի կողմից տվող պաշտոնական ընթրիքին: Դեռևս հայտնի չէ՝ արդյոք Օբաման կհանդիպի Էրդողանի հետ: Երկու կողմերն էլ նշում են, որ հանդիպման համար բանակցություններ են տարվում:

Աղբյուր` Ermenihaber.am