Սպիտակ տանը կայացել է Օբամայի և Էրդողանի հանդիպումը

Քաղաքական07:04, 01 Ապրիլ 2016

Սպիտակ տանը կայացել է Օբամայի և Էրդողանի հանդիպումը

Թուրքիայի նախագահ Ռեջեփ Թայիփ Էրդողանը Միացյալ Նահանգներում հանդիպում է ունեցել նախագահ Բարաք Օբամայի հետ: Թուրքական «haberler.com» լրատվակայքի տեղեկացմամբ՝ շուրջ 50 րոպե տևած հանդիպման ընթացքում կողմերը համաձայնության են եկել՝ «Իսլամական պետությանը» (ԻՊ-İŞİD) ոչնչացնելու անհրաժեշտության հարցում:

Թուրքիայի նախագահականի տարածած մամուլի հաղորդագրության համաձայն՝ Էրդողանն ու Օբաման հանդիպել են Սպիտակ տանը՝ Վաշինգտոնում կայացած միջուկային անվտանգության գագաթնաժողովի շրջանակներում:

Հանդիպման ընթացքում քննարկվել են տարածաշրջանային անվտանգությանը, ահաբեկչության դեմ պայքարին և փախստականների խնդրին, ինչպես նաև՝ Թուրքիա-ԱՄՆ համագործակցությանն առնչվող թեմաներ:

Օբաման իր և ԱՄՆ-ի անունից ցավակցել է Դիարբեքիրի ահաբեկչութան զոհերի հարազատներին և հավաստիացրել, որ անվտանգության ապահովման և ահաբեկչության դեմ պայքարում ԱՄՆ-ն Թուրքիայի կողքին է:

Երկու երկրների նախագահները քննարկել են նաև այն համատեղ քայլերը, որոնք անհրաժեշտ է ձեռնարկել ԻՊ-ի դիրքերը թուլացնելու և վերջնականապես արմատախիլ անելու համար: