Թուրք կուսկացապետը կարծում է, թե հայերն ու հույները Թուրքիայի դեմ հարձակման են պատրաստվում

Տարածաշրջան13:01, 04 Ապրիլ 2016

Թուրք կուսկացապետը կարծում է, թե հայերն ու հույները Թուրքիայի դեմ հարձակման են պատրաստվում

Թուրքական «Պահպանողական վերելք կուսակցության» ղեկավար Ահմեթ Ռեյիզ Յըլմազը հայտարարել է, թե հայերը և հույները Թուրքիայի դեմ հարձակում են նախապատրաստում:

«Թուրքիան շատ բարդ ժամանակաշրջանում է հիմա: Լուռ թշնամիների ձայնները նույնպես սկսել է լսվել: Այժմ, երբ Սիրիայում պատերազմը ավելի է խորանում, հայերին և հույներին անպայման պետք է վերահսկողության տակ պահել, քանի որ Թուրքիան նրանց թիրախում է, իսկ վերջիններս աջակցում են արտաքին ուժերը»,- ասել է Յըլմազը՝ ընդգծելով, որ անմիջապես պետք է դադարեցնել փախստականների ընդունումը:

Քննադատելով իշխանությունների արտաքին քաղաքականությունը՝ Յըլմազն ասել է, որ Թուրքիան փողի դիմաց դարձել է փախստականներ ընդունող միակ երկիրն աշխարհում: Նա ուշադրություն է հրավիրում այն հանգամանքի վրա, որ փախստականների մեջ կան Սիրիայի հայեր, ասորիներ, եզդիներ, որոնք «թուրքերի դարավոր թշնամիներն են»:

Նշելով, թե թուրք ժողովուրդի գլխին վտանգ է կախված՝ կուսակցության ղեկավարն ասել է. «Այսչափ անպատասխանատու չի կարելի լինել: Երկիրը անհայտ ծագմամբ մարդկանց լցնելու անունը չի կարելի «մարդասիրություն» դնել: Այս պահի դրությամբ, ինչպես և նախկինում, բոլոր էթնիկ խմբերը, որ թուրքերի թշնամի են, ամբողջ աշխարհի կողմից կազմակերպվում են և պատրաստվում հակահարվածի»:

Աղբյուր` Ermenihaber.am