Ցեղասպանություն08:05, 04 Ապրիլ 2016
Կիպրոսի խորհրդարանը Հայոց ցեղասպանության հերքումը քրեականացնող օրենք է ընդունել
Կիպրոսի հանրապետության խորհրդարանը ընդունել է Հայոց ցեղասպանության հերքումը քրեականացնող օրինագիծ: Թուրքական «Hürriyet» թերթի կայքի տեղեկացմամբ՝ խորհրդարանում ներկայացված բոլոր կուսակցությունների կողմից համատեղ մշակված նախագիծն արգելում է բոլոր ցեղասպանությունների, մարդկության դեմ ուղղված հանցագործությունների և ռազմական հանցագործությունների հերքումը:
Այս համատեքստում արգելվում է նաև Հայոց ցեղասպանության հերքումը, ինչի համար սահմանվում է 5 տարվա ազատազրկում կամ 10.000 եվրո տուգանք: Նշենք, որ Կիպրոսում նախկինում էլ նմանատիպ օրենք էր գործում, սակայն այն նախատեսում էր ցեղասպանության հերքողների պատիժը միայն այն դեպքում, եթե միջազգային դատարանները ընդունում են տվյալ պատմական փաստի իսկությունը:
Օրենքի նախագծի ընդունումից հետո խորհրդարանի նախագահ Յանաքիս Օմիրուն հայտարարել է, որ իրենք պատմական որոշում են ընդունել և երաշխավորել, որ խորհրդարանը հետամուտ է լինելու պատմական ճշմարտությունների պահպանմանը:
«Հայաստանը մեզ համար եղբայրական երկիր է, որի հետ պատմական կապեր ունենք: Հույն և հայ ժողովուրդները նույն ճակատագիրը ունեն: Կիպրոսի հույները 1974թ. թուրքերի զոհը դարձան: Մենք ապրիլի 24-ը հայտարարել ենք ազգային հիշատակի օր», -ասել է խորհրդարանի նախագահը:
Նշենք, որ Կիպրոսի հանրապետությունը Հայոց ցեղասպանությունը ճանաչել է դեռ 1975թ.՝ դառնալով պատմական իրողություններն իրենց իրական անունով կոչող առաջին պետություններից մեկը:
Այս ենթաբաժնի վերջին նորությունները
Բենյամին Նեթանյահուն Պատրիկ Բեթ-Դեյվիդի փոդքաստում պատասխանելով այն հարցին, թե ինչու Իսրայելի ոչ մի վարչապետ չի ճանաչել Հայոց ցեղասպանությունը, ասել է. «Ես հենց նոր ճանաչեցի»:
Կա՞ արդյոք երաշխիք, որ հայկական կողմի հետ հարաբերությունները կարգավորելուց հետո մի օր թուրքը կրկին «թուրը չպիտի սրի»:
«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |