Ադրբեջանցիներն ու թուրքերը Ղարաբաղի թեմայով բողոքի ակցիա են կազմակերպել Բրյուսելում

Ղարաբաղ08:13, 12 Ապրիլ 2016

Ադրբեջանցիներն ու թուրքերը Ղարաբաղի թեմայով բողոքի ակցիա են կազմակերպել Բրյուսելում

Բելգիայում բնակվող ադրբեջանցիները մայրաքաղաք Բրյուսելում բողոքի ակցիա են կազմակերպել՝ ընդդեմ Հայաստանի: Ցուցարարները Հայաստանին մեղադրել են «Ադրբեջանի դեմ իրականացրած հարձակումների մեջ»:

Ինչպես տեղեկացնում է թուրքական «Yeniakit» լրատվական կայքը, ցուցարարիներն ադրբեջանական և թուրքական դրոշներով, «Բավական է թիրախավորեք խաղաղ բնակիչներին», «Մենք բոլորս Խոջալու ենք, մենք բոլորս թուրք ենք» պաստառներով հավաքվել են Եվրախորհրդարանի մոտ գտնվող Մեեսու հրապարակում:

Նրանց միացել են նաև բրյուսելաբնակ թուրքեր: Բողոքի ակցիան ուղեկցվել է «Ղարաբաղը մերն է ու մերն էլ կլինի», «Նահատակներն անմահ են, հայրենիքն անբաժանելի» վանկարկումներով:

Նույն աղբյուրի համաձայն՝ ցուցարարները հրապարակից շարժվել են Բրյուսելում Հայաստանի դեսպանատուն, որտեղ նրանց դիմավորած հայերի միջև վիճաբանություն է սկսվել: Ոստիկանության միջամտությունից հետո, սակայն, իրավիճակը հանդարտվել է, ցուցարարները՝ ցրվել:

Աղբյուր` Ermenihaber.am