Թուրքիայի ԶՈՒ ԳՇ նախկին պետ. «Ամենամեծ երազանքս Թուրքիայի և Ադրբեջանի միավորումն է»

Տարածաշրջան07:38, 15 Ապրիլ 2016

Թուրքիայի ԶՈՒ ԳՇ նախկին պետ. «Ամենամեծ երազանքս Թուրքիայի և Ադրբեջանի միավորումն է»

Թուրքիայի զինված ուժերի գլխավոր շտաբի նախկին պետ (2008-2010 թթ.), բանակի գեներալ Իլքեր Բաշբուղը, հայտարարել է, որ իր ամենամեծ երազանքը Թուրքիայի և Ադրբեջանի միավորումնե մեկ պետության մեջ:

Ըստ թուրքական «metrogazetesi.com» լրատվական կայքի` Բաշբուղն այս հայտարարությունն արել է Էրզրումի Աթաթուրքի համալսարանում կազմակերպված «Ազգային քաղաքականություն, Մերձավոր Արևելք և Թուրքիա» գիտաժողովի ժամանակ:

Պահեստազորի թուրք գեներալը մասնավորապես ասել է. «Իմ ամենամեծ երազանքը Թուրքիայի և Ադրբեջանի` մեկ պետություն դառնալն է: Ասում ենք չէ՞ «մեկ ազգ երկու պետություն»: Առանց թարգմանիչի միմյանց հետ կարողանում ենք չէ՞ խոսել: Բայց դե հնարավոր չէ դա (միավորումը-խմբ.), թույլ չեն տա: Երանի հարմար նախադրյալներ լինեին»:

Բաշբուղը խոսել է նաև տարածաշրջանում Թուրքիայի դերի մասին` ասելով, որ մեծ տերությունները թույլ չեն տա, որպեսզի Թուրքիան տարածաշրջանային ուժ դառնա ու խորհուրդ է տվել երազող չլինել: Բաշբուղը թվարկել է տարածաշրջանային հզոր ուժ դառնալու համար Թուրքիային անհրաժեշտ նախապայմանները`