Էրդողանի գլխավոր խորհրդական. «Հայկական ուժերը պետք է անմիջապես լքեն ադրբեջանական հողերը»

Տարածաշրջան08:36, 21 Ապրիլ 2016

Էրդողանի գլխավոր խորհրդական. «Հայկական ուժերը պետք է անմիջապես լքեն ադրբեջանական հողերը»

Թուրքիայի նախագահ Ռեջեփ Թայիփ Էրդողանի գլխավոր խորհրդական Յալչըն Թոփչուն հանդիպել է Անկարայում Ադրբեջանի արտակարգ և լիազոր դեսպան Նուսրաթ Բաղիրովի հետ և աջակցություն հայտնել ղարաբաղյան հակամարտության հարցում:

«Հայկական ուժերն առանց որևէ նախապայմանի պետք է լքեն ադրբեջանական տարածքները»,- ասել է Թոփչուն: Նաև ցավակցություն է հայտնել Ադրբեջանի դեսպանին հայ-ադրբեջանական բախումների ժամանակ սպանված ադրբեջանցի զինվորների համար:

Այնուհետև Թոփչուն խոսել է նման հանդիպումների ժամանակ ավանդական թեմա դարձած թուրք-ադրբեջանական եղբայրության մասին` ասելով, որ Թուրքիան և Ադրբեջանը մեջք մեջքի տված երկվորյակ եղբայրներ են, և նրանց եղբայրությունը օրինակ պիտի իբր լինի ողջ աշխարհի համար:

Ադրբեջանի դեսպանն էլ շնորհակալություն է հայտնել Ղարաբաղի հարցում թուրքական կողմի ցուցաբերվող աջակցության ու Թոփչուի արած հայտարարությունների համար` կրկին շեշտելով թուրք-ադրբեջանական «օրինակելի եղբայրությունը»:

Աղբյուր` Ermenihaber.am