Ցեղասպանություն12:40, 26 Ապրիլ 2016
Գորշ գայլերի առաջնորդ.«Թուրքիայում ձևավորվել է «ապրիլի 24-ի սինդրոմ»
«Գորշ գայլեր»-ի քաղաքական թևը համարվող Թուրքիայի «Ազգայնական շարժում» կուսակցության (ԱՇԿ-MHP) ղեկավար Դևլեթ Բահչելին հանդես է եկել ԱՄՆ-ին և Հայաստանին ուղղված սպառնալիքներով:
Թուրքական ընդդիմադիր «Zaman» թերթի կայքի տեղեկացմամբ՝ կուսակցության նիստի ժամանակ ելույթ ունեցած Բահչելին նշել է, որ Թուրքիայում ձևավորվել է «ապրիլի 24-ի սինդրոմ», որը մեծ լարվածություն է մտցնում Թուրքիա-ԱՄՆ հարաբերություններում: Նա անընդունելի է համարել, որ Թուրքիան ամեն տարի ապրիլի 24-ի նախօրեին անհամբերությամբ սպասում է ԱՄՆ-ի նախագահի ելույթին, որի ժամանակ վերջինս կարող է օգտագործել «ցեղասպանություն» բառը:
Շեշտելով, որ Օբաման, այնուամենայնիվ, նախընտրում է օգտագործել «ցեղասպանությանը» համարժեք հայերեն «Մեծ եղեռն» տարբերակը, Բահչելին նկատել է տվել, որ դրանով ԱՄՆ նախագահը փորձում է հավասարակշռություն պահպանել կողմերի միջև:
Թուրք կուսակցապետը հայտարարել է. «Ժամանակն է վերջ դնելու այս իրադրությանը: ԱՄՆ-ի քաղաքական գործիչները հայկական սփյուռքին քաղաքական աջակցություն ցույցաբերելու համար եթե համարձակվեն զոհաբերել Թուրքիան, ապա բոլորը և առաջին հերթին հենց Հայաստանը, պետք է պատրաստ լինեն նաև դրա հետևանքներին»:
Բահչելին նաև վրդովմունք է հայտնել, որ Հայոց ցեղասպանության հիշատակի միջոցառումների ընթացքում Երևանում թուրքական և ադրբեջանական դրոշներ են այրվել: Նա հոխորտացել է. «Անհնար է, որ մենք լուռ և անարձագանք նայենք, թե ինչպես են այրում մեր փառահեռ դրոշը, կարծես այն մի հասարակ լաթի կտոր լինի»: Թուրք կուսակցապետը կոչ արել կառավարությանը՝ ընդունել սա սոսկ որպես «քաղաքական ուղերձ» և ավելի վճռական քայլեր ձեռնարկել այս առումով:
Գորշ գայլերի առաջնորդը անդրադարձել է նաև ղարաբաղյան հակամարտության խնդրին՝ հերթական անգամ աջակցություն հայտնելով Ադրբեջանին ու շեշտելով թուրք և ազերի ժողովուրդների եղբայրության մասին:
Այս ենթաբաժնի վերջին նորությունները
Բենյամին Նեթանյահուն Պատրիկ Բեթ-Դեյվիդի փոդքաստում պատասխանելով այն հարցին, թե ինչու Իսրայելի ոչ մի վարչապետ չի ճանաչել Հայոց ցեղասպանությունը, ասել է. «Ես հենց նոր ճանաչեցի»:
Կա՞ արդյոք երաշխիք, որ հայկական կողմի հետ հարաբերությունները կարգավորելուց հետո մի օր թուրքը կրկին «թուրը չպիտի սրի»:
«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |