Թուրքիայի գյուղատնտեսության նախարարության պատվիրակությունը մեկնել է Մոսկվա

Տնտեսական11:41, 26 Ապրիլ 2016

Թուրքիայի գյուղատնտեսության նախարարության պատվիրակությունը մեկնել է Մոսկվա

Ապրիլի 25-ին Ռուսաստանի դաշնության (ՌԴ) անասնաբուժական և բուսասանիտարական վերահսկողության հարցերով դաշնային ծառայության (Россельхознадзор) հրավերով Մոսկվա է այցելել Թուրքիայի սննդի, գյուղատնտեսության և անասնապահության նախարարության պատվիրակությունը:

Թուրքական «milliyet» պարբերականի հաղորդմամբ` այցի շրջանակներում թուրքական պատվիրակությունը Россельхознадзор-ի ներկայացուցիչների հետ քննարկելու է թուրքական այն ապրանքների ներկրման հարցերը, որոնք չեն համապատասխանել պահանջվող չափանիշներին, ինչի հետևանքով Ռուսաստանն անցել է պատժամիջոցների կիրառմանը:

Россельхознадзор-ի փոխնախագահ Ալեքսենկոն նշել է, որ թուրքական պատվիրակության հետ քննարկվելու են թուրքական մրգերի ու բանջարեղենի ներկրման հարցերը:

«Թուրքական կողմին այստեղ հրավիրեցինք, նրանք ընդունեցին մեր հրավերը: Բանակցությունները Մոսկվայում տեղի կունենան առաջիկա շաբաթվա ընթացքում: Կքնարկվեն մրգի և բանջարեղենի առաքման անվտանգության ապահովման ու դրանց լաբորատոր ստուգումների հարցերը»,-ասել է Ալեքսեենկոն:

Հիշեցնենք, որ մի քանի օր առաջ Ռուսաստանն արգելել է թուրքական սմբուկի ներկրումը, քանի որ սմբուկում հայտնաբերվել էին մի շարք վտանգավոր միկրոօրգանիզմներ:

Աղբյուր` Ermenihaber.am