Հայտնի է դարձել Բուրսայի պայթյունը իրականացնող կազմակերպությունը

Տարածաշրջան10:16, 02 Մայիս 2016

Հայտնի է դարձել Բուրսայի պայթյունը իրականացնող կազմակերպությունը

Օրեր առաջ Թուրքիայի Բուրսա քաղաքում տեղի ունեցած պայթյունի պատասխանատվությունը ստանձնել է «Քուրդիստանի ազատագրության բազեներ» (TAK-ՔԱԲ) կազմակերպությունը:

«BBC»-ի թուրքական ծառայությունը, հղում անելով քրդական «ANF» լրատվական գործակալությանը, գրում է, որ պայթյունն իրականացրած կին մահապարտը եղել է ՔԱԲ-ի անդամ: Նշվում է, որ ռումբը ժամանակից շուտ է պայթել:

Հիշեցնենք, որ ապրիլի 27-ին Թուրքիայի Բուրսա քաղաքի կենտրոնական մասում գտնվող մզկիթներից մեկի հարևանությամբ ուժգին պայթյուն էր որոտացել, ինչի հետևանքով վիրավորվել է 13 քաղաքացի:

Փետրվար և մարտ ամիսներին Անկարայում իրականացված և 70 մարդու կյանք խլած ահաբեկչությունների պատասխաատվությունը ևս ստանձնել էր ՔԱԲ-ը:

Նշենք, որ Թուրքիայում համարում են, որ կազմակերպությունը կապված է «Քուրդիստանի բանվորական կուսակցության» (ՔԲԿ-PKK) հետ, սակայն թե՛ ՔԱԲ-ը, թե՛ ՔԲԿ-ն հերքել են միմյանց հետ կապ ունենալու մասին լուրերը:

Աղբյուր` Ermenihaber.am