Թուրքիայի մեջլիսում ընդունվել է որոշ պատգամավորների անձեռնմխելիությունից զրկելու առաջարկը

Տարածաշրջան09:26, 03 Մայիս 2016

Թուրքիայի մեջլիսում ընդունվել է որոշ պատգամավորների անձեռնմխելիությունից զրկելու առաջարկը

Թուրքիայի Ազգային Մեծ Ժողովի (ԹԱՄԺ) սահմանադրական հանձնաժողովը վավերացրել է խորհրդարանի որոշ պատգամավորների անձռնմեխելիությունից զրկելու մասին սահմանադրական փոփոխության առաջարկը: Առաջարկը միաձայն ընդունվել է սահմանադրական հանձնաժողովի` քրդամետ «Ժողովուրդների դեմոկրատական կուսակցության» (HDP-ԺԴԿ) անդամների նիստը լքելուց հետո:

Ըստ թուրքական «Anadolu» պետական լրատվական գործակալության` առաջարկությունը օրենքի ուժ ստանալուց հետո 15 օրվա ընթացքում կսկսվի այն պատգամավորների անձեռնմխելիությունից զրկելու գործընթացը, որոնց նկատմամբ քրեական գործեր կան հարուցված:

Կառավարող «Արդարություն և զարգացում կուսակցության» ներկայացրած առաջարկը վերաբերում էր հիմնականում քրդամետ «Ժողովուրդների դեմոկրատական կուսակցության» (ԺԴԿ-HDP) և «Ժողովրդահանրապետական կուսակցության պատգամավորների» (ԺՀԿ-CHP):

Թուրքական գործակալության հաղորդմամբ` որոշման ընդունումից հետո ևս 19-ի պատգամավորի վերաբերյալ անձեռնմխելիությունից զրկելու պահանջ է ուղարկվել, որոնց թվում են «Ազգայնական շարժում կուսակցություն» (MHP-ԱՇԿ) կուսակցության նախագահ Դևլեթ Բահչելին և ԺԴԿ-ի համանախագահ Ֆիգեն Յուքսեքդաղը:

Ըստ այդմ` այս պահին անձեռնմխելիությունից զրկելու պահանջ է ներկայացվել 136 պատգամավորի վերաբերյալ, որոնցից 27-ը` ԱԶԿի-ից, 51-ը ԺՀԿ-ից (Ժողովրդահանրապետական կուսակցություն-CHP), 50-ը` ԺԴԿ-ից, 7-ը` ԱՇԿ-ից, 1-ը` անկախ պատգամավոր:

Անձեռնմխելիությունից զրկելու թվով ամենաշատը պահանջը ներկայացվել է ԺԴԿ-ի համանախագահ Սելահեթթին Դեմիրթաշի վերաբերյալ` 75-գործ: Մեծ թվով գործեր կան կազմված նաև ԺՀԿ-ի նախագահ Քեմալ Քըլըչդարօղլուի վերաբերյալ:

Աղբյուր` Ermenihaber.am