Դավութօղլուին հնարավոր է փոխարինի Էրդողանի փեսան

Քաղաքական07:57, 05 Մայիս 2016

Դավութօղլուին հնարավոր է փոխարինի Էրդողանի փեսան

Վարչապետ Ահմեթ Դավութօղլուի հնարավոր հրաժարականի հարցը Թուրքիայում ներքաղաքական կյանքի ամենաքննարկվող թեման դարձել է

Ինչպես նշում է թուրքական «Samanyoluhaber» լրատվական կայքը, կուլիսներում գնալով թեժացող հարցը ստվերում է թողել ներքաղաքական այնպիսի կարևոր իրադարձություններ, ինչպիսիք են ընդդիմադիր «Ազգայնական շարժում կուսակցության» գագաթնաժողովը, մեջլիսի սահմանադրական հանձնաժողովում մի շարք պատգամավորների անձեռնամխելությունից զրկելու հարցը:

Այժմ կուլիսներում ամենաթեժ քննարկվող թեմաներից մեկն էլ հավանական թեկնածուներն են, որոնք հնարավոր է փոխարինեն Դավութօղլուին: Ըստ «Samanyoluhaber»-ի՝ քննարկվող 5 թեկնածուների մեջ ամանահավանականը համարվում է Տրանսպորտի նախարար Բինալի Յըլդըրըմը:

Հավանական է համարվում նաև Թուրքիայի նախագահ Ռեջեփ Թայիփ Էրդողանի փեսայի՝ Էներգետիկայի նախարար Բերաթ Ալբայրաքի նշանակումը:

Մյուս երեք թեկնածուներն են Արդարադատության նախարար Բեքիր Բոզդաղը, Առողջապահության նախարար Մեհմեթ Մյուեզզինօղլուն և փոխվարչապետ Նուման Քուրթուլուշը:

Աղբյուր` Ermenihaber.am