Թուրքիայի ԱԳՆ-ի խոսնակի կոշտ արձագանքը Զախարովայի հայտարարությանը

Քաղաքական08:51, 06 Մայիս 2016

Թուրքիայի ԱԳՆ-ի խոսնակի կոշտ արձագանքը Զախարովայի հայտարարությանը

Թուրքիայի արտաքին գործերի նախարարության խոսնակ Թանժու Բիլգիչը մեկնաբանել է Ռուսաստանի Դաշնության (ՌԴ) ԱԳՆ-ի խոսնակ Մարիա Զախարովայի այն հայտարարությունը, թե Թուրքիան փորձում է վերադառնալ Օսմանյան կայսրության ժամանակներ, որը ի վերջո փլուզվեց:

«Իրենց ներքին խնդիրները արտաքին քաղաքականության արկածախնդրությամբ քողարկել ցանկացողների նման հայտարարությունները մեզ համար կարևորություն չեն ներկայացնում: Նրանք, ովքեր Թուրքիային հիշեցնում են Օսմանյան կայսրության փլուզման մասին, նախ և առաջ պետք է հիշեն, թե որ երկրում են ծնվել և ներկայումս ինչ երկրի քաղաքացի են: Որպես ԽՍՀՄ քաղաքացի ծնվածները այժմ Ռուսաստանի քաղաքացիներ են»-ասել է Բիլգիչը պնդելով, որ տարօրինակ է, որ Ռուսաստանի ԱԳՆ-ի խոսնակը Թուրքիային հիշեցրել է Օսմանյան կայսրութայն փլուզման մասին՝ մոռանալով, որ իր պետությունը 20-րդ դարի ընթացքում փոխել է 3 պետականություն:

Ըստ թուրքական «Sabah» պարբերականի` Բիլգիչը իր խոսքում ընդգրծել է, որ որ Թուրքիայի արտաքին գործերի նախարարության խոսնակի պարտականությունը ոչ թե անցյալի և ապագայի վերաբերյալ մեկնաբանություններ տալն է, այլ երկրի արտաքին քաղաքականության ուղղությունը բացատրելն ու ներկայացնելը:

Աղբյուր` Ermenihaber.am