ԵՄ-Թուրքիա պայմանագիրը իրականություն չի դառնա, եթե Անկարան չկատարի առաջ քաշված պայմանները

Քաղաքական13:51, 12 Մայիս 2016

ԵՄ-Թուրքիա պայմանագիրը իրականություն չի դառնա, եթե Անկարան չկատարի առաջ քաշված պայմանները

Եվրահանձնաժողովի նախագահ Ժան-Կլոդ Յունկերը հայտարարել է, որ ԵՄ-ն մեծ կարևորություն է տալիս Թուրքիայի համար վիզային ռեժիմի չեղարկման պայմանների կատարմանը և ակնկալում, որ Թուրքիան հավատարիմ կմնա դրանց:

Ինչպես տեղեկացնում է թուրքական «Milliyet» թերթը, Յունկերը, անդրադառնալով Թուրքիայի վարչապետ Ահմեթ Դավութօղլուի հրաժարականին, հայտնել է, որ վարչապետի փոփոխությունը չի կարող ԵՄ-Թուրքիա պայմաննավորվածությունների չեղարկման պատճառ դառնալ:

Յունկերը մեկնաբանել է Թուրքիայի նախագահ Ռեջեփ Թայիփ էրդողանի այն հայտարարությունը, որ նա ասել էր, թե Թուրքիան չի փոխի ահաբեկչության դեմ պայքարի մասին օրենքը: Եվրահանձնաժողովի նախագահը մասնավորապես նշել է. «Եթե պարոն Էրդողանը թուրքերի՝ առանց մուտքի արտոնագրերի ճանապարհրդելու իրավունքը խոչընդոտելու մարտավարությունն է ընտրում, ապա թուրք ժողովրդի առջև դրա պատասխանատվությունը նա պետք է ստանձնի: Դա մեր խնդիրը չէ»:

Յունկերն ընդգծել է, որ ԵՄ-ն շատ է կարևորում Շենգենյան գոտի մուտքի արտոնագրերի ազատականացման համար ԵՄ-ի առաջ քաշած պայմանների կատարումը, հակառակ դեպքում ԵՄ-Թուրքիա պայմանագիրը իրականություն չի դառնա:

Աղբյուր` Ermenihaber.am