Թուրք պատգամավորը պարզաբանել է ևս 1 ռուսական ինքնաթիռ խոցելու մասին իր գրառումը

10:29, 16 Մայիս 2016

Թուրք պատգամավորը պարզաբանել է ևս 1 ռուսական ինքնաթիռ խոցելու մասին իր գրառումը

Թուրքիայի իշխող «Արդարություն և զարգացում» (ԱԶԿ-AKP) կուսակցության Գազիանթեփի (պատմ. Այնթափ) պատգամավոր Շամիլ Թայյարը սկանդալային գրառում է կատարել «Twitter»-ում:

Ինչպես փոխանցում է թուրքական «milliyet» պարբերականը, Թայարը նշյալ գրառման մեջ առաջարկել է ևս մեկ ռուսական ինքնաթիռ խոցել:

«Մարդ ուզում է ևս մեկ ռուսական ինքնաթիռ խոցել»,- գրել է նա:

Նշվում է, որ ԱԶԿ-ի պատգամավորը նման գրառմամբ է հանդես եկել այն բանից հետո, երբ բասկտեբոլի եվրոլիգայի խաղարկության եզրափակիչում ռուսական «ԲԿՄԱ» (ЦСКА) ակումբը հաղթել է թուրքական «Ֆեներբահչե»-ին 101-96 հաշվով:

Այդ գրառումը բողոքի ալիք է բարձրացրել սոցմեդիայում: Մի շարք օգտատերեր իրենց դժգոհությունն էին հայտնել Թայյարի խոսքերի կապակցությամբ:

Ավելի ուշ թուրք պատգամավորն իր այդ գրառումը որակել էր որպես սրամտություն: Ըստ նրա՝ խաղի ժամանակ մրցավարը կողմնապահություն է արել՝ ի օգուտ ռուսական ակումբի:

Հիշեցնենք, որ Թուրքիայի օդուժը 2015թ նոյեմբերի 24-ին Սիրիայի տարածքում խոցել էր ռուսական «СУ» 24 ռազմական ինքնաթիռը:

Աղբյուր` Ermenihaber.am