Թուրքիայի ներգնա տուրիզմից ստացված եկամուտը կազմում է ազգային եկամտի 1 տոկոսը

Տնտեսական13:33, 17 Մայիս 2016

Թուրքիայի ներգնա տուրիզմից ստացված եկամուտը կազմում է ազգային եկամտի 1 տոկոսը

Թուրքիայի բնակիչները 2011-2015թթ. ժամանակաընթացքում ներգնա զբոսաշրջության նպատակով ծախսել են շուրջ 100 մլրդ թուրքական լիրա (մոտ 33 մլրդ 800 մլն ԱՄՆ դոլար):

Թուրքական «Milliyet» թերթը, մեջբերելով Թուրքիայի վիճակագրական ծառայության ներգնա տուրիզմի ուսումնասիրությունների տվյալները, հայտնում է, որ վերոնշյալ ժամանակահատվածում 341 մլն 373 հզ ճանապարհորդություն է կատարվել:

Տեղացի զբոսարջիկները 2011-ին ծախսել են 15.6 մլրդ լիրա, 2012-ին՝ 16.7 մլրդ, 2013-ին՝ 18.4 մլրդ, 2014-ին՝ 22.6 մլրդ, 2015-ին 24.4 մլրդ: 2011-2015թթ. տեղացիները 92 մլրդ լիրա ծախսել են անհատական ճանապարհրդությունների, 5.8 մլրդ լիրա տուրիստական փաթեթների համար: Ըստ այդ ցուցանիշների՝ նույն ժամանակահատվածում անհատական ճամփորդությունները տեղացիների շրջանում ավելացել է 51.5 տոկոսով, իսկ տուրիստական փաթեթների վաճառքմ աճել է 2.6 անգամ:

Թուրքիայի առևտրային պալատների և բորսաների միության տուրիզմի հարցերով խորհրդի նախագահ Oսման Այաքի տեղեկացմամբ՝ օտարերկրացի զբոսաշրջիկներից ստացված եկամուտը կազմում է Թուրքիայի ազգային եկամտի 10 տոկոսը, իսկ տեղացի զբոսարջիկներից ստացված եկամուտը կազմում է այդ ցուցանիշի 1 տոկոսը:

Աղբյուր` Ermenihaber.am