Բարզանի. «Իրաքյան Քուրդիստանը պատրաստ է անկախության»

Տարածաշրջան13:45, 24 Մայիս 2016

Բարզանի. «Իրաքյան Քուրդիստանը պատրաստ է անկախության»

Հյուսիսային Իրաքի քրդական ինքնավար շրջանի ղեկավար Մեսութ Բարզանին հարցազրույց է տվել Շվեցարիայում հրատարակվող «'The Nation» թերթին, որի ժամանակ հայտարարել է, որ 40-50 միլիոնանոց քուրդ ազգը պետք է պետություն ունենա: Ըստ թուրքական «hurriyet» պարբերականի` Բարզանին, պատասխանելով քրդերի անկախության մասին հարցին, ասել է.

«Բաժանված ենք 4 մասի: Ամեն մասի դրությունը տարբեր է: Այդ պատճառով հարցը պիտի կենտրոնական կառավարմամբ լուծում գտնի: Իրաքյան Քուրդիստանը պատրաստ է անկախության»:

Հարցին, թե արդյոք 2016թ. հնարավոր է Իրաքյան Քուրդիստանում հանրաքվե անցկացվի, պատասխանել է.

«Աստված տա: Ցանկացած ազգ իր բնական սահմաններն ունի: Ուժով փոփոխված սահմաններն արդեն իսկ անընդունելի են»:

Վերջում խոսելով «Իսլամական պետություն» (ԻՊ) ահաբեկչական կազմակերպության վերոհսկողության տակ գտնվող Մոսուլ քաղաքի ազատագրության մասին, Բարզանին հավելել է, որ նշյալ օպերացիայի ծրագիրը պետք է պատրաստվի Իրաքի կառավարության և ամերիկացիների կողմից: Նա ամենակարևոր հարցերից է համարում, թե ազատագրելուց հետո ինչպիսի կարգավիճակ կշնորհվի Մոսուլին և ինչպես այն կկառավարվի:

Աղբյուր` Ermenihaber.am