Էրդողան-Ալիև հանդիպումն ու վերջինի հրապարակային մեղադրանքները Հայաստանին

Տարածաշրջան07:31, 24 Մայիս 2016

Էրդողան-Ալիև հանդիպումն ու վերջինի հրապարակային մեղադրանքները Հայաստանին

Թուրքիայի Ստամբուլ քաղաքում տեղի ունեցող ՄԱԿ-ի Մարդասիրության համաշխարհային գագաթնաժողովին մասնակցելու նպատակով այնտեղ գտնվող Ադրբեջանի նախագահ Իլհամ Ալիևը հանդիպել է թուրք պաշտոնակից Ռեջեփ Թայիփ Էրդողանի հետ: Այս մասին գրում է թուրքական «Yeniakit» թերթի կայքը` ավելացնելով, որ հանդիպման օրակարգի մասին դեռևս որևէ հայտարարություն չի արվել:

Թուրքական «Sabah» թերթի կայքն առանձնացրել է գագաթաժողովին Ալիևի ելույթի` Ղարաբաղի վերաբերյալ հատվածը:

Ալիևը կրկին առաջ է քաշել ադրբեջանի հողերի կորուսյալ 20 տոկոսի ու մոտ 1 մլն ադրբեջանցի փախստականների մասին թեզերը: Ապրիլի առաջին օրերին իր երկրի կողմից սանձազերծված պատերազմի մասին խոսելիս՝ Ալիևը Հայաստանին է մեղադրել պատերազմը սկսելու մեջ:

«Ապրիլյան հարձակումների ժամանակ զոհվեցին մեր զինվորներն ու խաղաղ բնակիչները: Ամբողջությամբ կամ մասամբ վնասվեց 500 տուն: Լեռնային Ղարաբաղը մյուս 7 շրջանները մնում են օկուպացված: ՄԱԿ-ի ընդունած որոշումներն էլ մնում են թղթի վրա, չեն կիրառվում: Հայաստանի պատճառով ստեղծված հումանիտար ճգնաժամի հետևանքով իրենց տները լքած փախստականների համար 6 մլրդ դոլար ենք ծախսել»,- ասել է Ադրբեջանի նախագահը Մարդասիրության համաշխարհային գագաթաժողովին ունեցած ելույթի ժամանակ:

Աղբյուր` Ermenihaber.am