Կրկին թուրք-քրդական բախումներ Վանում. սպանվել է 2 թուրք ոստիկան

Տարածաշրջան12:06, 30 Մայիս 2016

Կրկին թուրք-քրդական բախումներ Վանում. սպանվել է 2 թուրք ոստիկան

Մայիսի 30-ին Թուրքիայի Վան նահանգի Իփեքյոլու շրջանի Հաջըբեքիր թաղամասում «Քուրդիստանի բանվորական կուսակցության» (ՔԲԿ-PKK) զինյալների կողմից ինքնաշեն պայթուցիկ է գործի դրվել: Թուրքական «Haberler» լրատվական կայքւ փոխանցմամբ՝ պայթյունի հետևանքով 2 թուրք ոստիկան սպանվել է, մեկը՝ վիրավորվել: Վերջիններս գտնվել են զրահապատ մեքենայի մեջ, որը պայթել է ՝ անցնելով այն ճանապարհով, որտեղ նախապես տեղադրված է եղել ինքնաշեն պայթուցիկ:

Տարածքում թուրքական օդուժի աջակցությամբ ՔԲԿ-ականների դեմ սկսվել է լայնամասշտաբ գործողություն:

Թուրքական աղբյուրը տեղեկացնում է, որ մայիսի 29-ին էլ Թուրքիայի Շըրնաք նահանգի Ուլուդերե շրջանում, որը մոտ է թուրք-իրաքյան սահմանին, թուրքական անվտանգության ուժերի միջև բախում էր տեղի ունեցել, որի ժամանակ քուրդ զինյալները սպանել էին 1 թուրք ավագ լեյտենանտի:

Իսկ Թուրքիայի զինված ուժերի (ԶՈՒ) Գլխավոր շտաբն էլ այսօր տեղեկացրել է, որ մի քանի օր առաջ Թուրքիայի Սիիրթ նահանգի Փերվան շրջանում թուրք-քրդական բախումների հետևանքով ծանր վիրավորված զինվորը այսօր մահացել է:

Աղբյուր` Ermenihaber.am