Թուրքիայի ԶՈՒ գլխավոր շտաբի պետը չնախատեսված այց է կատարել դեպի Շըրնաք և Նուսայբին

Տարածաշրջան11:44, 01 Հունիս 2016

Թուրքիայի ԶՈՒ գլխավոր շտաբի պետը չնախատեսված այց է կատարել դեպի Շըրնաք և Նուսայբին

Թուրքիայի զինված ուժերի (ԶՈՒ) Գլխավոր շտաբի պետ, բանակի գեներալ Հուլուսի Աքարը Իզմիրում անցկացված «Efes-2016» զորավարժությունից հետո անսպասելիորեն մեկնել է Թուրքիայի Շըրնաք և քրդաբնակ Նուսայբին շրջաններ, որտեղ շարունակվում են թուրք-քրդական բախումները:

Թուրքական «Haberler» լրատվական կայքի փոխանցմամբ` Աքարին այցի ընթացքում ուղեկցել են Թուրքիայի ԶՈՒ հրամանատարներ, ինչպես նաև ժանդարմերիայի գլխավոր հրամանատարը:

Շըրնաքում և Նուսայբինում «Քուրդիստանի բանվորական կուսակցության» (ՔԲԿ-PKK) զինյալների դեմ լայնածավալ ռազմական գործություններ են ընթանում և Թուրքիայի ԶՈւ Գլխավոր շտաբի պետը այցելել է այդ շրջաններ՝ գործողությունների ընթացքին տեղում ծանոթանալու համար:

Այցի ընթացքում Աքարին մանրամասներ են ներկայացվել ներկա իրավիճակի և առաջիկայում անցկացվելիք միջոցառումների մասին:

Թուրքիայի ներքին գործերի նախարար Էֆքան Ալանը տեղեկացրել է, որ Շընաքում ավարտվել է քուրդ զինյալների դեմ իրականացվող օպերացիաների 95 իսկ Նուսայբինում՝ 85 տոկոսը:

Աղբյուր` Ermenihaber.am