Թուրք ազգայնականները սպառնում են Բունդեսթագի պատգամավոր Ջեմ Օզդեմիրին

Ցեղասպանություն07:42, 06 Հունիս 2016

Թուրք ազգայնականները սպառնում են Բունդեսթագի պատգամավոր Ջեմ Օզդեմիրին

Գերմանիայի խորհրդարանի պատգամավոր թուրքական արմատներ ունեցող Ջեմ Օզդեմիրը, որը Հայոց ցեղասպանության մասին բանաձևի համահեղինակներից է, գտնվում է ոստիկանության պաշտպանության ներքո:

Թուրքական «Hürriyet» թերթի կայքը հայտնում է, որ «Կանաչների կուսակցության» համանախագահ Օզդեմիրը Բունդեսթագում հայկական բանաձևի ընդունման գործում մեծ ներդրում է ունեցել, որից հետո սկսել է մահվան սպառնալիքներ ստանալ:

Նշվում է, որ այժմ ոստիկանությունը փորձում է պարզել սպառնալիք ուղարկողների ինքնությունը:

Ոստիկանության պաշտպանության տակ են գտնվում նաև Օզդեմիրի ընտանիքը և բնակարանը:

Օզդեմիրը, մեկնաբանելով իրեն ուղղված սպառնալիքները, ափսոսանք է հայտնել, որ և՛ Թուրքիայում, և՛ Գերմանիայում բնակվող թուրքերի շրջանում ծայրահեղ աջակողմյան գաղափարների հետևորդներ կան:

Հիշեցնենք, որ հունիսի 2-ին Գերմանիայի խորհրդարանի ձայների ճնշող մեծամասնությամբ ընդունել էր Հայոց ցեղասպանությունը ճանաչող բանաձև:

Աղբյուր` Ermenihaber.am

Այս ենթաբաժնի վերջին նորությունները

11:57, 27 օգոս

Իսրայելի վարչապետը ճանաչել է Հայոց ցեղասպանությունը (Տեսանյութ)

Բենյամին Նեթանյահուն Պատրիկ Բեթ-Դեյվիդի փոդքաստում պատասխանելով այն հարցին, թե ինչու Իսրայելի ոչ մի վարչապետ չի ճանաչել Հայոց ցեղասպանությունը, ասել է. «Ես հենց նոր ճանաչեցի»:

15:14, 29 ապր

Հայոց ցեղասպանություն. արդեն 1 դար ու 10 տարի

Կա՞ արդյոք երաշխիք, որ հայկական կողմի հետ հարաբերությունները կարգավորելուց հետո մի օր թուրքը կրկին «թուրը չպիտի սրի»:

14:02, 28 ապր

Ջորջ Ասլանը Հայոց ցեղասպանության թեմայով արտահերթ ելույթ է ունեցել Թուրքիայի խորհրդարանում

«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։